बैतडीमा आयोडिन नूनको डिपो सञ्चालन हुने

अनुमोदन समाचार/बैतडी
फागुन, २७ गते 
बैतडी जिल्लामा पहिलो पटक आयोडिन युक्त नूनको बिक्रि डिपो सञ्चालनमा आउने भएको छ ।
    जिल्लाको पाटन बजारमा आयोडिन युक्त नून बिक्रि बितरणका लागि डिपो सञ्चालन हुने भएको हो । शिबशक्ति बिउ प्रवद्र्धन सहकारी संस्था पाटन र स्थानीय राजनीतिक दलहरुको सक्रियतामा डिपो सञ्चालनका लागि पहल शुरु भएको हो ।

           सुदूरपश्चिम क्षेत्रीय प्रशासक आत्मराम पाण्डेयको निर्देशनमा साल्डट्रेडिङ कार्यालय धनगढीका बिभागीय प्रबन्धक केशबराज पाण्डेय सहितको टोलीले शनिवार डिपो सञ्चालनका लागि बैतडीका बिभिन्न स्थानको स्थलगत अनुगमन गरेको शिबशक्ति बिउ प्रबद्धन सहकारी संस्था पाटनका अध्यक्ष राजेश पन्तले जानकारी दिए ।

              स्थलगत अनुगमन टोलीमा पोषणबिज्ञ कल्पना बस्नेत, कैलालीका प्रमुख जिल्ला अधिकारी रामप्रसाद थपलीया, पत्रकार महासंघ कैलालीका अध्यक्ष भरत शाह लगायत स्थानीय रानीतिक दलका प्रमुख तथा प्रतिनिधि रहेका थिए ।
    जिल्लाका बिभिन्न स्थानमा अनुगमन गरेपछि डिपो सञ्चालनका लागि उपयुुक्त स्थल पाटनमा बजारमा रहेको भन्दै अनुगमन टोलीले क्षेत्रीय साल्ट टे«डिङ कार्यालय धनगढीलाई शनिवारनै प्रतिबेदन पठाइएको छ । डिपो सञ्चालन हुने भएपछि स्थानीयहरु हर्षित भएका छन् ।