डुबेर शिक्षकको मृत्यु

अनुमोदन समाचार/धनगढी
फागुन, २७ गते
मोहना नदीमा डुवेर धनगढीमा शनिवार एक शिक्षकको मृत्यु भएको छ ।
        प्रहरीका अनुसार सुदूरपश्चिमाञ्चल उच्च माध्यमिक विद्यालय (एसपीए) धनगढीका शिक्षक २९ बर्षीय बिरेन्द्र बिष्टको नदीमा डुबेर मृत्यु भएको हो । मृतक विष्टको स्थायी ठेगाना कञ्चनपुरको भुजेला हो ।
     एसपीए क्याम्पस र धनगढी क्रिकेट एकेडेमीद्वारा मोहना नदी छेउको मैदानमा शनिवारदेखि क्रिकेट प्रतियोगिता शुरु भएकोमा क्रिकेट खेल सकिएपछि नदीमा नुहाउन गएका विष्टको पौडी खेल्नेक्रममा डुबर घाईते भएपछि सेती अञ्चल अस्पतालमा उपचार गराउने क्रममा मृत्यु भएको हो ।