नेविसंघको अनसन स्थगित

अनुमोदन समाचार/धनगढी
फागुन, २७ गते
तोकिएकै मितिमा जिल्ला अधिवेशनको माग गर्दै नेपाल विद्यार्थी संघ जिल्ला कार्य समिति कैलालीले नेपाली काँग्रेस पार्टी कार्यालयमा थालेको रिले अनसन स्थगित गरिएको छ ।
    नेपाली काँग्रेसले हस्तक्षप गरेर अधिवेशनको मिति सारेको भन्दै फागुन २३ गतेदेखि थालिएको रिले अनसन शनिवारबाट स्थगित गरिएको  नेविसंघका जिल्ला सचिव तपेन्द्र भुषालले बताए ।
    उनका अनुसार नेपाली काँग्रेसले नेविसंघका मागको सम्वोधन गर्ने लिखित सहमति जनाएपछि  अनसन स्थगित गरिएको हो ।
नेविसंघ जिल्ला अधिवेशन चैत १२ र १३ गते गर्ने निर्णय गरिएको सचिव भुषालले बताए ।