त्रिभुन उच्च माविको स्वर्ण जयन्ती

अनुमोदन समाचार/धनगढी
फागुन, २५गते
त्रिभुवन उच्च माध्यामिक विद्यालय बोराडाडीको ५० औं स्वर्ण जयन्ती  बिहीवार मनाइएको छ ।
        कार्यक्रमको उद्घाटन गर्दै एकिकृत नेकपा माओवादीका नेता तथा पूर्व बाणिज्य मन्त्री लेखराज भट्टले आर्थिक क्रान्ति विना देशको विकास हुन नसक्ने बताएका छन् ।
             राजनीतिक अस्थीरता कारण देशको विकास हुन नसकेको बताउँदै नेता भट्टले अबको अन्तिम विकल्प अर्थिक क्रान्ति रहेको बताए ।
उनले खस जातिको पहिचानका लागि सुदूरपश्चिम वासीहरु एक जुट भएर लाग्नु पर्ने बताए । त्रिभुवन उच्च माविको  सहयोगका लागि आफू प्रतिवद्ध रहेको उनले बताए ।
         कार्यक्रममा विद्यालय व्यवस्थापन समितिका संस्थागत अध्यक्ष, सदस्य, पूर्व प्रअ, उच्च माविमा अध्यनरत विद्यार्थी, एसएलसीमा उत्कृष्ट अंक ल्याउने विद्यार्थीलाई पुरस्कृत गरिएको थियो ।
प्रअ सिताराम अवस्थीले बार्र्षिक आयव्यय बिवरण समेत प्रस्तुत गरेका थिए ।